महेशवाणी
महेशवाणी
June 15, 2013
0

एक दिन जयबै हमसब नदिके किनार यो

छुइट जायतै घर द्वार यो ना । ।

एक दिन यमराज भैया औथिन
पकडिकै चारोदिश घिसिऔथिन । । २ । ।
तखन धिरे – धिरे पुछथिन हिसाब यो
छुइट जायतै घर द्वार यो ना । ।

चौका चार कहाँरिया आयता
एकटा पालकी बनयता । । २
ओइपर झाकी बिछौता ललका ओहार यो
छुइट जायतै घर द्वार यो ना । ।

छित, जल, पावक, गगन, समिर
पञ्च तत्वसे रचल शरिर । ।२ । ।
शिवके भजन करबै हे तै बेरापार यो
छुइट जायतै घर द्वार यो ना । ।